Skip to main content

Novaĵoj el Su-Sankta-Mario (Julio 2022)


Ĉi somere, la Lerneja Estraro de Algoma Distrikto (Algoma District School Board), helpe de Ĝo Maŭris (Joe Maurice), la Intendanto de Bonfarto kaj Indiĝena Edukado, kreos kontrolliston de libroj kiuj prezentas finomojn kaj fipriskribojn de malplimultanoj.

Diras S-ro Maŭris, ĉi tio ne estos libro-malpermeso, sed listo por konsili instruistojn en la elektado de libroj por studentoj. Maŭris pludiris, "Se ni diras ke finomoj estas dolorigaj kaj ke ni ne rajtas uzi ilin -- dirante ilin laŭtavoĉe, dirante ilin kiel instruisto aŭ lernanto ĉar ni agnoskas ke ili dolorigas (kion konsilis nin lernantoj kaj familioj de diversaj grupoj) -- do kiel ni pravigu uzi tiujn samajn vortojn en rimedo kiun ni donas al ĉiuj lernantoj, kiu estos uzata en klaso ĉiutage?"

Ĉi tio estas la unua paŝo el pli granda plano diversigi edukajn rimedojn helpe de verkoj de verkistoj el malplimultaj kaj subpremataj grupoj. Legu pli.

Ĉisemajne dudek sep mil atlantikaj salmoj estis ellasitaj de fiŝkovejo en la Bavatingon (akk la de Sanktulino Mario). La ellaso estis honore de S-ro Martin Vanderpleog kiu donacis milionon da dolaroj al la Centro de Esploro kaj Eduko pri Freŝakvo de Lago Supera Subŝtata Universitato (Center for Freshwater Research and Education at Lake Superior State University).

Diras S-ro Vanderpleog, "De jardekoj mi fiŝkaptas la atlantikajn salmojn. ... LSSU kreis unikan fiŝkapto-lokon en la pli supraj grandaj lagoj, kaj la nova centro realigas mond-klasan esplorejon kiun mi fieras kreskigi.

Alte ŝatataj ĉirkaŭ la mondo pro la vigleco, atlantikaj salmoj nune abundas en la Bavatingo kiu ligas la lagojn Superan kaj Huronon. La fiŝkovejo de LSSU vidis la unuajn rezultojn en 1990 kaj komencis kolekti ovojn de la salmoj. En 2004, oni kolektis ovojn nur de la propraj salmoj kaj en la sekvintaj jardekoj multobligis la salmaron. Legu pli.

Post la disverŝo de nafto en la Bavatingon (Bawating, akk St. Mary's River) de la uzino Algoma Ŝtalo (Algoma Steel), la videbla ĉeesto de nafto surface de la rivero malaperis, tamen la poluado estadas.

Algoma Ŝtalo nun ofertas pagi kontraŭ la liverado aĉeto kaj liverado de pura akvo al la proksima urbeto Eĥo Golfeto (Echo Bay), kiu ĉerpas sian trinkakvon de la rivero kaj restas en krizstato.

La urbeta registaro de Eĥo Golfeto fermis la akceptan tubegon al la akvotraktejo por eviti poluiĝon de la disverŝo kaj perkamione ricevas sendanĝeran akvon de eksteraj fontoj.

Indas noti ke la uzino Algoma Ŝtalo en gazetanonco tute ne menciis Ĝardenrivero unuan nacion (Garden River First Nation) tra kiu fluas la Bavatingo antaŭ ol atingi la pli foran Eĥo Golfeton. Ĉi tia manko klarigas multon pri la vidpunkto de urba kaj komerca interesoj al la indiĝenaj loĝantoj kiuj de jarcentoj klopodas kunlabori malgraŭ ĉi tia traktado. Legu pli.

La 21'an de Junio, tradicie konata kiel la unua tago de somero, kaj honore de la Nacia Tago de Indiĝenoj, Baĉevano Unua Nacio (Batchewana First Nation) gastigis grandan feston por indiĝenaj kaj neindiĝenaj gastoj inkluzive tamburadon, dancadon, kaj kantadon, kaj ankaŭ manĝaĵojn kaj varojn de indiĝenaj vendistoj.

Diras Baĉevanano Ĝol Siret (Joel Syrette), "Ni alproksimiĝas tion, kio estas konata kiel la frago lumo kaj ĉi-sezone de la jaro indiĝenoj ĉie en nordameriko tradicie eklaboris preparante sin antaŭ ol alvenos vintro. Kiel parton de la someraj agadoj, ni komencas rikolti niajn plantojn kaj manĝaĵojn, kaj prepari nin al la venonta sezona."

Ĉi-jare la Nacia Tago de Indiĝenoj estas dolorigeta afero pro la amastombejoj ĉe loĝlernejoj kiuj estis eltrovitaj en la lastaj 12 monatoj. Tamen, diras S-ro Siret, "Ni nomas tion ne  'eltrovo,' sed 'trovo' aŭ 'malkovro,' ĉar niaj maljunuloj de ĉiam diras ke ili scias ke estas multaj infanoj kiuj ne hejmenvenis." Li pludiris, "Parte ni kantas, ni dancas, ni okazigas paŭvaŭojn (powwow) ĉar ni dancas al tiuj, kiuj ne povus. Legu pli.

Comments